25 d'avril a Bardoneicha

Aiceste 25 d'avril, 72ieme aniversari de la Liberacion dau nazifascisme, las celebracions en auta valeia de la Dueira, organizaas per la seccion “ANPI Chiomonte Alta Valle Susa”, se debanaren a Bardoneicha. L'apontament l'ei fixat per 10 oras e un quart, pres de l'Igleisa de S. Ipolìte. Après la meissa, a 11 oras e 45 se debanarè una marcha vers le Monument aus Chauts au “Parco della Rimembranza” entei venarè pausaa una corona de laurìer.

Que le 25 d'avril siè pas una simpla ensevenança mas l'impenhe viu de chacque jorn per l'avançament dins la democracia e dins los dreits de l'òme e dau travalhaor. Sustot dins un moment entei d'un caire l'eitrema dreita neofascista e xenofoba fai entendre son messatge d'òdi e meipres, en conflant la guerra entre pòurs, e de l'autre Union Euròpenca e los partits que de la defença dau neoliberisme l'an fait lor doctrina contunhon a destruire los espacis de democracia conquistats dins ans de luta (veire per exemple le tentatiu de reforma constitucionala que le pòple l'a blocat avei le referendum dau 4 de disembre).

Viva la Resistença d'aìer, quela que chacque jorn ven portaa anant e quela que venarè!

25 d'avril totjorn!