Boun aniversari Valíer!


Encuei, 16 de mai, le redatour de notro revisto Valerio Coletto (en chamoussin Valíer mas mandat Leiou quouro, da jouven, ou jouavo a baloun dins l'equipo de Chaumount) ou l’o coumplit 75 ans.
I tenem a fetar e a lhi pausar touttes notres felicitaciouns (e a las exprimar mai ici publicament) en quant per nousautres Velerio ou l'ei un exemple a seggre: un lummen de la defenço de notro culturo.
Nous pouiem pas lou definir macque coumme un simple redatour de notro revisto: en efeite l’ei le veritabble foundatour de "La Rafanhaudo" dins le 1986 e l’ei itat le President de la prumiero assouciacioun que i l’o ouperat entre 1986 e 1992, en pourtant praticament anant tout le bitin que la ventavo far. Encaro encuei, "La Rafanhaudo" seriò pas la meimo senso sa countribucioun, l'ei encaro la roccho de la redacioun e dou proujette que pourtem anant.
Fetam Valerio mai per soun impenhe per Chaumount (l'ei itat quauques ans counselhier comunal) e per la defenço de soun vilatge, derant quouro i l'an batit l'autoroutto, après euiro que voroun batir le TAV.
Fetam Valerio per soun impenhe per l'ouccitan e l'Ouccitanìo, pas macque dins sa proumoucioun de "La Rafanhaudo" mas mai per sa coulabouracioun, dins le passat, avei d'autres revistes coumme "Novel temp" e "Valados Usitanos" e, plus recentament, avei sa participacioun aus caiers que chacque an venoun prestats dins lous counvenhes a Laus en val Clusoun.
Dins l’esperanço de pougueire leire encaro un cuchoun d’articles e d’eicrits sourtits da ta plummo, boun aniversari e bouno sandat! E encaro tant travalh per l'ouccitan, per l'Ouccitanìo e per Chaumount dins toun avenir!
Lous Amis e le Direitiou de l'Assouciacioun

Commenti