Sortit l'Armanac 2018 de Chaumont e de l'auta valeia de la Dueira

L’ei sortit! L’ei sortit! Finalament sem arivats a z’o far sortir!

Mai cest còp, coma associacion culturala Renaissença Occitana sem arivats a publiar l’Armanac per l’an que ven, le 2018. Encara freis de la tipografia, z’o avem retirat peina aíer e l’ei já en difusion (cest còp n’en avem emprimats 200 exemplars).

Per qui fosse interessat a z’o achatar pòl far referença a Daniele Ponsero e a Tiziano Strano que s’ocupon de sa difusion a Chaumont, las Ramaas e dins le restan de l’auta valeia de la Dueira o pòl nos eicrire a l’adreça mail larafanhauda@gmail.com.

Au deilai de las 4 pajjas de covertura (dins la seconda la lhi a un aprofondiment sus le Colombier de Chaumont), dins chacque meis poietz trovar:

- doas fotografias de quauquaren de nòtra valeia (una fotografia granda e una seconda un pauc mens granda);

- una poesia en occitan aupenc o, un parelh de còps, en italian;

- l’indicacion de las lunas dins los jorns;

- un box avei de faits capitats dins le meime meis mas 400 ans d’aiquen, chavats dau Libbre daus Contes Consulaires de la Comunitat de Chaumont de l’an 1618/1619 (dau moment que l’eicrit dins le francés enobrat daus notaires chamossins de l’epòcca, e donca interessant dau puent de vita linguisticque e istoricque, l’avem prepausat la traducion de las paròllas plus dificilas).